Den 13. Februar hat d’CSV Süden seng Bezierksdelegéiert op de Bezierkskongress zu Kéintzeg an der Gemeng Käerjeng invitéiert an iwwer 240 Leit sinn dëser Invitatioun nokomm. De Festsall an der Kéintzeger Schoul war bis op déi lescht Plaz gefëllt. Nieft de Rapporten vun CSV, CSF an CSJ Süden an dem Keesserapport hunn de Bezierkspresident Felix Eischen an de Generalsekretär Laurent Zeimet déi present Memberen op déi bevirstoend Gemengewahlen am Oktober ageschwuer. De Parteipresident Marc Spautz an de Fraktiounschef Claude Wiseler sinn op déi aktuell politesch Situatioun agaangen an hunn d’Regierung an d’Mangel geholl.
D’Fotoe vum Bezierkskongress kënnt dir iech ënnert dësem Link ukucken.